Northern Caves 2023 Expedition Report Wulff Land, Greenland
Avannaani Qaarusuit, 2023-mi, Wulff Landimi Ilisimasassarsiornermi Nalunaarusiaq Kalaallit Nunaat
Buch in deiner Nähe kaufen
Beschreibung
Qaarusuit paasisassarsioqqaariaatsimik periarfissiisuusut Nunarsuarmi pinngortitani kingullersaasa ilagaat. Qaammataasiat Nunarsuup ilua takusinnaanngilaat, robotsillu nunap iluaniittut pulatertariat sumiiffilersorsinnaanngilaat. Taamaammat isikkatta ataaniittoq nunarsuaq paasiniarneqassappat, inuit nammineq nunarsuaq alleq isertariaqarpaat. Nunarsuarmi qaarusuit avannarpasinnerpaat ilisimaneqartut Kalaallit Nunaata
Avannaani c.82°N-imiipput, tassanilu avatangiisip mersernartuunera, avinngarusimasumiittuunera, aammalu ingerlasussanik piareersaanerit aqutsinerillu ajornartuunerat peqqutaallutik, suli iluamik misissorneqanngillat. Uumap suliniutip siunertaraa ilisimasanik annertusaanissaq, tassa siullerpaamik qaarusummik misissuisarnermi Kalaallit Nunaata Avannaanut ilisimasassarsioriartortitsinikkut tamanna pivoq, tassani suleqatigiit qaarsunnik paasisassarsiorfigineqarsimanngitsunut arlalinnut isersimapput, misissuisimapput, takussutisiorlutillu sumiiffilersuisimapput. Qaarusuit Issittumi silap pissusiata allanngoriartorneranut misissuinermi atorneqarsinnaanerat nalilersorneqarpoq. Qaarusunnik paasisassarsiornermi qulakkeerneqarsinnaasimavoq
qaarusummi mineralinit sanaat (speleothems) takussaasut, taakkuninngalu qanga silap pissusiata allanngoriartorsimaneranik takussutissianik sanasoqarsinnaavoq. Maannakkumut Issittumi silap pissusiata pissusissamisoortumik allanngoriartorsimanera inississangaanni, takussutissiat taamaattut pingaaruteqartorujussuupput, aammalu Issittup nunarsuaq kiannerusoq qanoq qisuariarfigisimaneranut paasissutissiisinnaallutik. Taamatuttaarlu speleothem-it takussutissiat, Kalaallit Nunaata sermersuaanik
misiliisarnermi piffissat nassaarineqarsinnaasut, qaangersinnaagaat ilimanaateqarluni, taamaalilluni qanga Issittumi silap pissusianut ilisimasassanik nutaarluinnarnik pilersitsisoqarsinnaavoq. Suliniummi paasisassarsorfiusumi silallu qanga pissusaanut misissuiffiusumi aammattaaq arlalinnik tapertariittuusunik suliaqartoqarpoq, tamatumunnga ilanngunneqarput nutaaliaasumik pujoralaaqqanik misissuineq, sullinernik misissuineq tappiorannartulerinerlu.
Autor*in
Gina Moseley
Themen in »Northern Caves 2023 Expedition Report Wulff Land, Greenland«
Grönland Höhle Geologie Paleoklima Expedition Erforschung